PÈÈR

IN KLANK

Spreker

Henri Loenders (°1929) of Harie van Tèng en
Jan Vanhoef (°1920)

 

Opnamedatum
22 jul 2000

iN SCHRIFT

den ondertrouw

Veel jonk volk moest ooch ondertrowd wère en getrowd, ânders kwame vër òn gèn 1jing, eh. En dan wàas ‘t ton en dan woerd ‘r mèt kanonnekes gesjoët’n (ich hem thous nog zoe ien ligge, da’s e bitske antiek nou). Dan woerd ‘r 2hännig gepimpeld, mèt 3den trèkzak woerd ‘r gespeeld. Mèt den ondertrouw, da wàas van den iêrsten, twiêden, dêrde roep, da dierde drei wèken, eh Jáng.

Dan had ‘r ooch bij die nie wao trakteren as deì iemed ondertrouwden, eh. Da jonk volk, da stond dao op. Dan woerd ‘r ’s uëves gejoêd en gerammeld mèt pittekes en pännekes. Allee, 4âl woerd 5bè-iên geschaard: nen horen van ‘n kow en dao woerd mer op gebloëz’n, loêp van e geweer 6hàa vë-n ooch bij en da 7joêde machtig fel, eh. Da was alle uëvende te duun. Da was altèd ‘s uëves laat in-‘n donkere. En altèd oplètte dat de baas nie achter óch kwàam, want dan...

Da hemme ve veergehad, dat ‘m mèt pitslämpken àafkwàamp en ins 8lichtte wie ‘t wàas en ‘s anderendàags moes ich duë de verken gùn helpe laje. “Zèt de-gij ‘r ooch bijgeweest?” zee ‘m. Ich zeg: “Nië.” Paa zee ‘t nuëderhând: “Djiê, da had-de goed gedùn da ge ter nie bij waart.” Da hàa ‘m nie 9gèèr, da was korste geboer.

1kinderen           2veel gedronken        3accordeon
4vanalles            5verzameld               6hadden we
7maakte lawaai 
  8scheen                    9graag