BILZERS

iN SCHRIFT

Het SpÒUk Vanderhegge

...

Tot zèkker aach wèke noë Sint-Giêlis, spòukde Vanderhegge dèr 't hat van Bilze. Ìn 't begin ¹haö de *laai nog kop tr-ìn meh zoe stillekes aon begoste ze ‘t op hun zinneweie te krijge te-van. ‘t Gemattel en ‘t gespattel bleëfte mer doêre. Niemed ²doeg nog ‘n oog tòu, at ‘t spòuk wier dèr de haoge en de ³streik woënd getrokke en z’n onverdraoglïjk, onminselïjk geklaog ⁴de hatter van de minse ne slaog rapper doeg slon. ‘t Gejeimer wos ni mèi aon te heire, kattegejank wos èngelemëziek vergeleëke ⁵doëmèt

Wao nòu gezoenge? ‘t Zoêg doë nie noë òut dat ‘t spòuk òut rès zoo vìnne. ⁶Dat doerde toch den ene mèt de gene ielke naach: ‘t moês nòu mer ìns gedond zien!

En dus trok ’s daos vèr Allerhèllige ‘n dèllegaose òut Bilze heistig noë Trich tòu, ⁷vèr te gon heire noë nen hèllige paoter.

Ze koême nog ⁸den eegeste naach trèg mèt ne kappesien, en ze ⁹godsgeteig. ‘t Wos daai naach zoe doenkel as terdiêvel, at ze ¹⁰beienterre mèt lanteëns en flambòuwe op de Kèrkwèèg aon sjrië. ¹¹Waai alle naachte hoeng ‘t spòuk Vanderhegge te haaile en te jeimere ìn ‘n deënhaog ¹²haves ‘t wèègske. De kappesien ¹³sjikde draai stroêse mander op ‘t spòuk aof...

en hè ¹⁴kèèkde: "Sjaar ‘m vas! Klòuster ‘m!". De mander twiêfelde toch efkes
"Doet ‘m ¹⁵de klòusters aon!" blaokde de kappesien ¹⁶obbenèr
Ze bekiekde mekaander e moment, meh de paoter besprènkelde ze zoe heivig fèl en ¹⁷oneenhagetig mèt wijwotter dat ze langelèste toch op de haog ¹⁸tòu stiefelde en den ongelèkkige òut de ¹⁹deëns en de ²⁰täk sleepde
...

..

¹vonden de *mensen het nog plezierig      ²deed
³struiken                    ⁴de harten             ⁵daarmee
⁶dat duurde een eeuwigheid                     ⁷om te luisteren
⁸diezelfde                   ⁹katholieke attributen
¹⁰al biddend               ¹¹zoals                   ¹²halverwege
¹³stuurde                   ¹⁴schreeuwde         ¹⁵handboeien
¹⁶opnieuw                  ¹⁷onophoudelijk     
¹⁸benaderden (voorzichtig)

Uit: Bilisium - Tijdschrift Heemkundige Kring"