lOWners

Spreker
Jan Bellefroid (°1913)

Opname door J.L. te Borgloon op 2 oktober 1999

IN SCHRIFT

NOI VAN DE BOLLEBERG

Het verhaöjl spilt euver e sórt struìkrover, dee op de Bolleberg in Lown gelif hit, dus ¹wei ich oech zeèj, rond de jore 1800. Het verhaöjl git euver Noi van de Bolleberg. Noi wes nen hèlle geheìmzinnige man dee vur 't joör 1800 alleèjn wei nen eenzaomige kluizeneër op de Bolleberg in Lown in 'n aofgeleëge hùt wóinde. De Bolleberg liq 'ne killomeèjter of twie of dréj ten Zuìde van Lown

Mah Noi wes nie allèin ‘nen eenzaomige kluizeneër. Van as ²de daog ³begôste te kotte koom Noi z’nen tìjd aon. Euverdaog ⁴hiel ter ‘m ôót de roek. Allèin z’nen hônd op ⁵de zùl ⁶beèjlde as dóë ⁷prìjkel wes

Déj ‘s naâchs op ⁸de Aâ Katséj niks verloöre hao, bleèjf beëter ⁹te zènnes want ¹⁰veur of ater gezèid: “In Noi z’n ¹¹hààn valle, ¹²wes gene laachmert’!”

¹³Prel weë de Bolleberg euver môs en de poewn ¹⁴in de maol hao, ¹⁵koom blòuw geblóëzen ôöt
Daog èn naâch ¹⁶loog ter op de loèr èn vuul ter de rèizigers ¹⁷oneenaön läëstïg. Heë hao ‘t gemunnd op hun géld en op ¹⁸de waore dei se bìj hun haöne

¹⁹Weì ‘n hóuvróuw wes ter bè oech en al wa ²⁰lejje of ‘t rure jód wes… djui! en Noi ²¹de voor op

²²De vrolèi haöne weejt van Noi en de mans zóuge liêver z’n ²³vasse as z’n tèine. ²⁴Kèinger déj te vujl ²⁵allegaöse mokde, ²⁶wóëre sito gepèèsterd as mam zèi: “²⁷Hud oech of ²⁸bots kump Noi!”

¹zoals ik je vertelde    

²de dagen        ³begonnen            ⁴hield hij zich bedeesd
⁵de drempel     ⁶blafte                  ⁷gevaar
⁸Romeinseweg (Oude Kassei)        ⁹bij zijn thuis
¹⁰rechtuit gezegd    ¹¹handen       ¹²was geen lachtertje
¹³eender wie          ¹⁴op zak had  ¹⁵werd belazerd
¹⁶lag hij                 ¹⁷voortdurend        ¹⁸goederen
¹⁹(zo)als een wervelwind             ²⁰enigszins waarde had
²¹de pist in    ²²de vrouwen         ²³hielen        ²⁴kinderen
²⁵oproer        ²⁶waren dadelijk ingetoomd
²⁷wees braaf  ²⁸dadelijk