DÓNK
IN KLANK
Ingesproken door Ludo Graulus (°1957)
Opname door J.L. te Donk op 10 apr 2001
iN SCHRIFT
De Liggende Maria
Hiêl lang 1leèjn stond de kèrk van Dónk in ‘t brók. Deì kèrk was ne kier afgebrand en trug opgebõuwd
Het brók uiverstroêmde 2dek, 3mõe de gebõuwe fèl vanaf zágge. De boere wõuwe de gráchte ne mie 4onderhàà. Omda het in de Kùrp vèùl druger was, hèbbe ze doo ‘n 5nief kèrk gebõuwd
Och ‘t bèld van Maria mos verhaze. Deì was nè content bè dië verhaas en ging nog dek trug nao hur 6àà kèrk. Ze hèbbe toen beslist van Maria van de àà nó de nief kèrk te dõen bè ‘n processe
Maria was precies content bè deì manier van dõen, mah omda ze zoe muu was van zoe dek op en af te crosse, 7hèt ze hùr daolgeleid bè hùr keind en zoe 8lie ze doo naa nog altèd
Contente màa’s gavve vanalle kadõus òn Maria. Zoe gebuirden ‘t ne kier da ‘n rìjke madam ‘n schoên kètting òn Maria gaf. De kùster haa da gezien en -hee kon z’n oêge ni van deì kètting af hàà. Hee zág ze zoe 9gjààn dat ër ze zelfs wõu pikke...
Om ’t ni te lótte opvalle ging ter ni dur de deujr nó binne, mah gebrùkde ter 10 ’n lier vur dujr ’n vinster nó binne te kraape. Heë pikde rap de kètting en ging trug nó baate. Mah bè het nó baate kraape bleèjf ter vast steke in de vinster. Hee wood dùr onzichbàre hàan vast gebonne bè e dun keudje en zoe vond de pastoer z’ne kùster ’s anderendags ‘s mùrges
1geleden 2dikwijls 3waar
4onderhouden 5nieuwe 6oude
7heeft ze zich neergelegd 8ligt ze
9graag 10ladder
Uit: “Limburgse Verhalen – Jaak Venken – Danthe 1980, p. 15-17”