SCHIELE
IN KLANK
Verteld door Jef Grommen (°1935) en Maurice Borgers (°1946)
Opname door J.L. te Schulen in 2007
iN SCHRIFT
WOII - inval van de prèès
Den hielen daag haa ich en Mëria, dei is twie joor jónger as ich, vir-e vinster gezete en dè hiel baön da wòr allemol soldaote, soldaote. Of da 1ne Prèès waor of ne Bels soldaot, da weet ich ni, mah achteraf hèm ich hiere dat- belze wòrre… deì an ’t ophóppele wórre en de minse kwamme dan 2b-iên en zoe 3klappen eever vanalles en dit en da…
Jah, ’s oves vertrókke veë. Paa z’ne 4villo, de mëtras doo eever. Mam, bè de kèngerkoets, doo loeg ós Zjan èin, dei wòr dan twie joor en Mëria moch dó op zitte en ich mos te vuut gòn. En onderwege hèm ich nog 5getuût gehad, da weet ich... da ich nie doo moch zitte want as mam 6miech gestute wòr dan mocht sèè op dië mëtras… en zoe trókke veë nù Berrebrók, nó paa ze brier en da wòr op de hei in Berrebroek, 7zjust de roet eëver
Veë gónge het gevaor eegelijk zikke want veë wóinde doo veìliger as... mah ich mot wòl zegge: thèüs, honderd meëter vanaaf, tege de haag aon van dei manne van Gëzong, doo stond afweergeschut. Da kos euch misschins wòl gevaorlijk zèn. Jah, doo de mëtrâs bè deë in de dinge gegóid in zoe nen hók in ’t hèüs en doo sliepe veë op allemól...
...
1een Duitser 2tesamen 3praten
4fiets 5geweend 6moe gestoten was
7vlak achter de spoorweg