BIËSEL
IN KLANK
Verteld door Jan Truijen (°1927) of Jang van Geuje Fried
Opname door J.L. te Molenbeersel, samen met Gaby Nies op 1 jul 1999
iN SCHRIFT
NAO SJÓËL EN TRUQ HEIVËS
Kinjere 1óngerein, det leep altiêd samen aan. Det waas altiêd gezèllig. De speule deje ze same, ze ginge same nò sjóël, ze ginge van hiej oêt zelfs te voot. Te voot nò sjóël. Det woor mië es twië kilomèter, te voot
En es ‘r dan hiej of dao kiendjes biej wore dèè dan veur den íëste keer mètginge, diej aojers hoofdje neet mèt te gaon, die groëte, die pakde die wál mèt. En die brachte die ouch later wier sjóën truq. Det ging alles toch hiël, hiël gemoedelijk
Door de sliêkweeg… jao, jao 2steinweeg wiej noew nog neìt, det waas nen èèrdweeg, det waas mië water… Det waas versjrikkelijk. Dao wórre plaatse 3wiej beke wore. De groëtere die 4hajen sóms als ins ‘ne fiets, mer dao waas 5bekans mit de fiets neet door te kome. Allemòl sliêk en kerspore wó ’t pèèrd gevaren haai. Op ‘t laatste mós se dao mit ‘n kaord 6euverhèèr. Mit 7nate veut kóms-e 8deks aan aan-e sjóële, op de klómpe ouch nog. En es ’t dan wiñterdaag waas, dan kósj-te die klómpe oêtdoone en róndjóm de stoof… Verwùrming 9bestóng neet, de stoof stóng dao, die woor gestooktj. Dao móste de klómpe róndj zètte dat die later toch e bietje druüg wore es te weer ins 10heivës ging
Jòwaal... ’t waas toch ‘nen hiële angere tiêd es op vùndaag, eh
Es vèè oet de sjóël 11kome en ’t waas ôugst en appele of père wore riêp of proême... en ‘ne mins 12dèè det neet geir haai, dan mósj men dao zjus aangoon. 13Dù mósj waal make des-te snel e-weg kooms… Ve mósjte door de 14dräöj doorkroêpe gouw en angers 15haai ër dich mit deìn kladde en dan hùb ich mie vader ne kier hure vertèlle, ne mins dèè det neet geìr haai... en hè haai in ne bôum gekrope en mèt ’n groëte dikke bindj-touw in den toep vastgebónje en zoë nao de klînk van de deur en doon minse hum wakker gemaak en 16wiej dèè mins de deur wol ope doon, sjudde dèè de appel zelf hiël aaf. Dao woor vanalles 17oêtgevange. Es ’t mah neet mocht det waas zjuust het fijnste, waat neet mocht woord ’t leefste gedoone
1onder mekaar 2stenen wegen zoals nu
3zoals 4hadden 5bijna
6overheen 7natte voeten 8dikwijls
9bestond 10naar huis 11kwamen (inf. = kómme)
12die dat niet graag had (verdroeg) 13je moest wel
14draden [drèùj] 15had hij je te grazen
16toen 17streken uitgehaald, wellicht contaminatie van 'aangevange' en 'oêtgestoke'