OPHOO
IN KLANK
Voorgedragen door Jos Smeets (°1928) of Jos van Itte
Opname door J.L. op 17 sep 2001
EN SCHRIFT
DE KEUNINGSHAAN
‘s Dónderdigs veur de 1vastelaovendj, 2den tróchte 3de kènjer mit de keuningshaán door ‘t dùrp. In Ophoo waas det per kóppel. Dao woor ‘nen haán gevange, 4de püü't biej-ein gebónje 5det ër dich neet op-e löÿp ging en ‘m e sjoën strikske óm z’ne nak gedoon ómdet ër ouch hiël sjóën mós oêtzeene. Eine jóng, dèè droog dën haán en 6nen angere hauw ei stóffe zäkske biej zich óm ‘t geldj in te doone
Foto aangeleverd door Gaby Nies, Heemkunde Kinrooi
En zoë ginge ze van deur tot deur en dan zónge ze: "Gèèf mich 7get vur de keuningshaan, gèèf mich get vur de keuningshaan" ’n hiël eintüü'nig leedje En dan zónge ze zoë lang tot ze get gekregen hauwe
Op de meiste plaatse krege ze e kwaartje en ouch 8dèk mer viêf cênt en zelfs mer e knäpke en 9woo we niks krege, dao ginge we langs... Die kèndje we nog van
10 ‘t jaor van veurs...
Mer dao woëren ouch plaatse, woo ze ‘n half frängske gove, zoë-es bie Sjore en ouch aan ‘t watermeulke. Dao tróche ze-n ouch den allemòl nò toew, ouch al waas ‘t 11wuûd
Het geldj woor naoderhandj 12óngerein verdeildj. Det ging den veurlöÿpig de spaarpot in. Den mochte we waal later, es dën tiêd dao waas, ‘ne 13póppernelle ofwaal knikkerte vur kôupe
Op dën daag van vùndaag goon se neet mië per kóppel, mer in groep en dên nog ónger begeleiïng. Det is gekómme door ‘t drukke verkier. Vur de minse is ‘t noew veul gemäkkelikker (ze hove neet mië alle viêf voot nao de veurdeur te lôupe), mer ‘t avonteurlikke, 14wie wèè det gekindj hèbbe, det is ter vanaaf
1karnaval 2dan trokken 3de kinderen
4de poten 5opdat hij niet kon vluchten
6een andere (jongen) had 7iets
8dikwijls 9waar 10het jaar voordien
11ver 12onder mekaar 13draaitol
14zoals wij