GEÌSTINGE

Spreker

Thieu Wiërs (°1940)
Tjeuke (van Tjeu) van Tjeu de Meister

Opnamedatum
22 maa 2002

iN SCHRIFT

zJANKE EN DEN ÈNKPOT

Zjanke waas in de sjoël e bitje ’n apaart geval. Hèè waas de jóngste oêt ei groët nèst en (h)è waas al nónk op het viêfdje studiejaor. Det vónje wèè dóu ¹get speciaals. ²‘Hè wis ouch al woo haas hoekdje’ ³wièj wèè nog neet wisten waat haas waas.
Zjanke moch biej de meister get mië es de rèst en -hè deej den ouch get mië. Veur de veiligheid hau de meister hum den ouch op de iëste bank gezat, ⁴just nève de lèsseneer. Kwestie van control. Ze plaogdje zich veul. Veural wièj de meister zich ‘nen otto haai gekocht, ‘ne kleine Austin, waas det het óngerwerp van de steekskes

Op ‘ne zomerse middig wièj de meister bezig waas mèt de riej jónges aan de parkkant ⁵‘begosten hum de kooste te stèke’. Hè hooldje zie piske ⁶oêt de bóks en staak det in den ènkpot. Wè sjreve dóu nog mèt ‘n pen diej in den ènk mós gesopt wère. ‘ne stylo ⁷kanje we nog neet, de griffel en de lei waas nog vollebak in gebroêk
En dóu gebeurdje get hiël speciaals, ei wónjer van de nateur: Janke kreeg zie piske neet mië oêt den ènkpot...
...