KÊSSINGS
IN KLANK
Spreker
Jan Lamberigts (°1959)
Jan van Frans van-'n Aoje Bùrgemeister
Opnamedatum
13 maa 2001
IN SCHRIFT
DE WÈÈRWOLF VAN 'T VIÊVERBROOK
In dèèn tiêd woëndje in Kêssing ei braaf, mer erm vrouwke, Stiêneke. Hur hutje laag aan-e rãndj van ‘t brook ten noorde van het dùrp. Het achtjaorige weeskindj Marieke waas hurre groëtste sjat. Stiêneke haai ouch ein geit diej euveral in-‘n ómtrèk moch graze
Einen daag of acht nao de bekindjmaking van de verordening waas ‘t vrouwke vertrókke óm 1get dor hout te sprókkele. Ouch Marieke waas mèt de geit nao boête 2gegange en zat zich niër op ‘t graas kort biej ‘t biëstje. Inins woor de geit erg 3sjoë. Ze spróng op en aaf en sloog inins 4op-e löÿp. Marieke stóng rap op óm te zeen waat ‘r gaondje waas. Het waas vreiselik
Ei mónster mèt 5veer pöë’t, groëte ouge en sjerpe 6tänj spróng op-e geit aaf, 7reet ze de boek ope en begos te slurpe aan ’t werm blood. Daonao verdween het biëst mèt ’t erm geitje in ‘t brook
Detzelfde ougenblik kwaam Stiêneke van-‘n angere kãntj en zaag nog zjust de wolf mèt de geit tùsse 8de ströêk wegloupe. Ze leet hur bussel hout valle, pakdje Marieke biej dën erm en 9spooidje zich heives. Naodet ze 10 ‘t mèègdje in veiligheid gebracht haai, ging ze nao ’t dùrp óm te vertèlle waat ‘r gebeurdj was
1wat, een beetje 2gegaan 3schuw, bang
4[luip] op de loop 5[puüt] vier poten
6[tenj] tanden 7scheurde haar buik open
8[struûk] de struiken 9haastte zich huiswaarts
10het meisje