KOTSHOVE

Spreker

Jef Oris (°1926)

Opnamedatum
2007

iN SCHRIFT

DE PIKZWATTE BOK

... ..
Dei soldaöte woöre ni van giêstere, ze haöne euverâl gevouchte en geslóëpe en sjrik da ¹kàànte ze ni. Ze trokke nù ‘t këstèil vùr dóë te slóëpe. Van deë mân haöne ze nog iet eëte en ²e speel kaot mètkrege
³Wei ze ⁴bekân tot twelf oêre ⁵getuìst haöne, zèi ènne van-e twie: “As dóë iet gebeujd gèt da ⁶krek om twelf oêre zìjn. Weet dje wa veë duun, veë leggen ozze kop op toffel en ⁷prel wa dóë oek moug gebeujre, veë duun of ve slóëpe!”
En nondedjuu, djuus om twelf oêre kume dóë drèi spowken ⁸êin, geklèid as minse. Het woöre gèn minse, want de deur wes ni oöpe gegon en toch woöre ze bìnne geròk
Ôöt ⁹het moêrsjaop haölde ze twie krôôke vol gêild, dei ze op-e toffel ôötsjùdde. Ze begôste te tèlle en alles op ¹⁰höÿp te legge. “Da’s vùr oech,” ¹¹zeene ze tege de soldaöte, mah ¹²dèi deune nog altèd of ze slupe, allewel ze alles goed heujden en ins loerde
De spowke sjùdden aön hunne ¹³pit, hun mouw, aön hun ¹⁴naös en aön hun ore. ’t Holp almol niks. Toen de spowke zeene da ze ‘nen howp mouchden ôötkieze ¹⁵boezjeede ze gè leed. De spowke stoöke het gêild truq in-e krôôke en ¹⁶euj ze ¹⁷voet goenke zèi ènne: “Da gêild stèk heìë in duvelsnaom en nimmand kan dóë aöngeraoke of ze moete ‘ne zwatte bok brèinge zonder ee wit pleksken aön...
..

¹kenden           ²kaartspel         ³toen
⁴bijna               ⁵gekaart            ⁶stipt
⁷gelijk wat        ⁸binnen             ⁹de muurkast
¹⁰hopen (mv.)  ¹¹zegden ze       ¹²die deden
¹³jas                ¹⁴neus              ¹⁵bewogen ze geen vin (lett. lid)
¹⁶vooraleer       ¹⁷vertrokken, weg gingen