VLÙRMOIL

Spreker

Trinette Schreurs (°1932)

Opnamedatum
9 aug 2000

IN SCHRIFT

NIÈJ NÓ DE WIENKEL

Nao goin de miense hun ¹këmiêses zelf haóle, meh vruger (laöte jore dattïg) wois dat hi-jl anes. Dan ²wjande dóë hi-jl vùil òn ’t haös gebrôuch
As de minse ruujpe : « Peëk Piej is dóë, dan stônd iêdereen ³vjarig bè kan en kraok ⁴vur te lóëte vulle bè pëtrol of oöle. Piej ⁵juug rond bè ⁶kèèr en pjààd vur z’n waöre van haös tot haös te verkoope. Vië kouchte de pëtrol vur ⁷ózze kènkè en vur de ⁸lëtjààn, de lëtjààn vur ’s óëves de sjuur ⁹ien te goin

Ook de sjoonmäkker koum oin de deur. Heë noum këpotte ¹⁰sjoon ¹¹mit ¹²vur te môke en verkouch ók kloempe. ¹³Betoere kos ‘t wel ins lang doere ier da de sjoon truq wórre, ¹⁴boedoor de miensen te-zonder zouten

Den hôômmäkker koum ‘t ¹⁵ienspansel van ‘t pjààd twee kirre per joor môke. Dië mân bleëf dan wel ¹⁶vjottien dôôg in 't dùrp en trok van wínning nó wínning. Heë bleëf dan bè den innen of den aandere boer slope, ¹⁷geminlijk in ‘t hoi

De ¹⁸stoldeur koum het keukegerief môke. Hee stoldeerde ¹⁹kastrolle, wetterkittels, ²⁰bidóngs, ²¹töb, enzoe²²vots. As de kastrol fèl këpot was, kapten heë ²³de kônt tr-aöt mèt ne beetel en zetn ‘n ²⁴hil náuw kônt

De wijve reclameëde wel ins dat ‘t te duur wois (het zal zoe ièjts van vìjf frang gewis zen), boe-op de manne antwoöde dat as de ²⁵aa wijve ‘n náuw kônt koste krìjge vur vìjf frang, de man hi-jl vùil werk zou hùbbe

¹boodschappen        ²werd            ³klaar met
⁴om                        ⁵reed             ⁶kar en paard
⁷petroleumlamp (binnen)              ⁸lantaarn, stallamp (buiten)
⁹te betreden, binnen te gaan         ¹⁰schoenen
¹¹mee                                         ¹²om te maken/herstellen
¹³soms kon het                            ¹⁴waardoor
¹⁵tuig                ¹⁶veertien dagen  ¹⁷meestal
¹⁸hij die soldeerde ¹⁹kookpotten    ²⁰drinkbussen
²¹emmers             ²²verder           ²³hier: bodem
²⁴volledige nieuwe                        ²⁵oude vrouwen