'T ROÖD

Spreker

Jef Philtjens (°1933)

Opnamedatum
23 maa 2004

IN SCHRIFT

de STERKste MAN

Dóë woeind’n de sterkste man, jong - gelouf iech wel - van Limburg. Männeke, mer zoe growt (kleine gestalte)… en dië wèrkd’n op-e boerderéj in Wèintershaove bè Klaaz’n en dóë wes dië ¹tezènnes òn ’t ákker’n bè ‘n enkele ploeg en on  ‘t ²vaore bè ‘t pjaad en dóë stopt ³in inne kir ⁴tege de stróët inne bìj ‘m en dië vruug aon ‘m – inne Brusselèr - : “Mijnheer, ⁵boe liq heì déj boerderéj van Klazen?” “Dóë,” zèt heë, ⁶wór. “Iech wèrk dóë.”
“Jah, dóë mot zoe volges het sjéjnt zoe nen hèile sterke man werke.” “Jah, da weejt ich nie,” zèt heë. ⁷Heë hónk ‘t pjaad aof en nom den enkele ploeg zoe vanater ⁸bè de stat en zoe weeîs ter. Dië zèi niks ne mèi. “Nao weeît ich boe ‘t is,” zèt ër ⁹en- wes voet.
Êch wóër, zoe sterk wes dië, jong! En ¹⁰dië kost dje ¹¹bè twiej haan nie tegoei ¹²opliêcht’n, dan mougt dje nog al sterk zèn, zoe ‘n ploeg… b-èin haand vanater en zoe ¹³stouk ter ‘m voet. Êch woör, da’s zoe zèiker as ièjt. Onmienselïjk, jóng, ¹⁴weì sterk da dië wes!