MAASEIK

Spreker

Harry Beenders (°1925)

Opnamedatum
9 aug 1999

iN SCHRIFT

HET LIËVE OP STRAOT

In dën tièjd van mien jeugd lèèfde de minse eigelïjk vèùl rùstiger ¹es noêw. Het waas neet zoe gejaâgd Eederein waas vèùl kalmer en ²de luuj ginge te voot of mèt de fits ³woe ze nò toèw móste. Het verkier dat ⁴bësting natèùrlïjk neet. Men zaag waal nen enkelen otto of ⁵nen tuf
Mar het liëve spèùlde zich hiël angers aaf es noêw. Ouch hiël ⁶dek, vèùl mier en ziëker ìn de zoëmer op de straot. Noêw zitte de minse allemaol ‘s aovës an de tillevisie te kièjke. Dat besting natèùrlïjk neet

Hiêl vèùl van het liëve ‘s aoves spèùlde zich aaf op straot. De minse zatte ⁷e paar stööl boèwte en zatte zich op de stóp en nao de vurbijgangers zote ze te kièjke en zote ze ouch natèùrlïjk te ⁸moèwle: “En hèbs-te det gezeen en hèbs-te gezeen ⁹wat dèè aanhauw en ¹⁰wèts-te ouch wat dèè dèùt en hèbs-te gehuurd van dèè, en hèbs-te gehuurd van dit en dat…” Dao mós men echt “spitsroede loupen” es men te voot ‘s aovës door Mëzeik ging

¹dan nu, dan tegenwoordig        ²de mensen, iedereen
³waar ze heen moesten             ⁴bestond
⁵een motorfiets      ⁶dikwijls       ⁷enkele stoelen [steul]
⁸roddelen              ⁹welke kleding hij droeg
¹⁰weet je ook wat zijn beroep is