MECHELE
IN KLANK
Spreker
Jan Terwingen (°1924)
Opnamedatum
4 apr 2004
IN SCHRIFT
WOO IS DAT HUUSKE OP AAN
...
Vandaag -hauwe vër dit, mùrge 1-hauwe vër dat en op zekeren daag 2keem einen aaf mèt ‘ne blok dynamiet. Da -hauw ër ùrges op ’n braok gevónje woo de Pruûsje nog mënutie gekiep -hauwe. Dao laog dèè tùssje en da -hauw dèè 3mèt -heivës gebrach en ginge ve dèè ne kier gebruuke
Kapsuulkes vur dèè in te steke, die stoke bie ós ónger ‘t daak, ‘t daak van de stâl. Da woor ne kolestâl 4woo vër in zaote. Die keeme dao ónger… Mie vader dèè wèrkde in-e groëte gallerije in 5de pùt en 6dao woor dèk ‘n slechte ónploffing van ein van die mienen en woord die opgerold en in de 7zäk geduujd en mèt -heivës gepak. Meh ‘s zaterdigs mósj de mooder de was doên en dan -haolde zie kapsuulkes dao-oêt en dan staok ze die ónger ‘t daak en dao staoke ter euverâl, 8kósj-te pakke zoevèùl 9as te wols
En dèè blok dynamiet -hauw twie 10gäätjes. Kósj-te an twië kânte ‘n kapsuul induje. Veer -hauwe dat gedoôn en -hauw vër e gaat oêtgekap in 11‘n moer en -hauw vër dèè blok dynamiet langs dièj moer laote aafzakke en dèè kabel wat dao aan was, waas mar drièj mèter lânk. Dan -hauw vër dat aan den dynamo van de fiets vasgemaak. Dreie, dreie, dreie… dat ging neet, dat ónplofde neet
Vër -hauwen 12ùrres get verkierd gedoôn. Wat ouch mer good is gewèès want as ‘t ónplof waor, waore vër allemòl ter aan gewèès. Vër stónge dao mer ne gooie mèter vanaaf, meh dat -hing aan dën achterkant 13tinge die moer op, eh
Die anger die gove det op en ich neet, ich zèq: 14't kan neet -heiter es koke, ich gaon dao nog get 15doortaffele!
...
..
nao boête, dao aangekómme en doew… -hauw ùch priês: ónplofde die zaak, eh. En dat waor ne sjlaag, dao zaot óngeviër twië mèter wc-mès op. En dèè ónplofde mùch, dèè stâl veel inein, die moere die veelen um en da voel wat in dèè wc zaot, dat vloog euver ‘t -hoês 19-hèèr, de hiël straot en de 20-hoêzer in den umtrèk die
-hingen ammòl vôl en voort keeme 21de luuj kieke dao, mah oet de weeind eh, want dèè reuk wat dao oêtkeem, dat waor neet te gelöyve. Dao zaote de vitamine van twië, drièj oorlogsjaore nog eên
Wat doew gedoôn? En ich waor -hiël douf, drièj weke bèn ich douf gewèès van de sjlaag. Meh ich zaot dao óngereên, ich waor dao 22óngeroêt getaffeld. Ich -hùb 23sjaos gehad dat die moer va mùch aafgevalle is want dat waore dikke blokke, blokke moer...
...
1hadden we 2kwam iemand af (aan) 3mee naar huis
4waar 5de steenkoolmijn 6daar was dikwijls
7zakken 8kon je 9als je wou
10[gèètjes] gaatjes 11een muur
12ergens iets 13tegen
14spreekwoord: erger kan niet
15verder prullen
19heen 20huizen 21de mensen
22moeizaam onderuit geraakt 23geluk