GLABBIK

Spreker

Leo Roosen (°1924) of Lei van Mërie van Nelke Kimpe

Opnamedatum
19 okt 1999

iN SCHRIFT

RIEKSKE VAN-E KLÓMP

Riekske waas e ¹guid-good män-ke, ²lichelik op ‘ne kèrmisdaag gebure, want plezeer ³hauw ër altiêd, z’n uige en z’ne mónd det stónten ‘m nao ’t lache

’t Män-ke waas de jóngste uût ‘ne nèst van acht, stik bedorve duur breers en zèsters. Hiêl het huûshauwe wuünde in e klèin hieske, langs de gruute wèèg, kort bie ‘nen dennebós en ⁴wiêd van kèrk en sjaol. Det mook det Riekske alle viêgelkes kènde en uich op tiêd uûthool, al mees ër ter z’n ⁵bóks bie ⁶sjiêre. De bós, det waas z’n spiêlplaats, det waas z’nen hemel

Toon ër nóg ⁷‘n dèpke waas van e jaor of ziëve, ⁸kalde ter al ⁹wie de gruute minse en prëbèèrde hèè eederein aan ‘t lache te kriêge mèt grappe te vertèlle, gezichte te trèkke en allerlei ture uût te stèke

Ónnerwège es ër mèt z’n kameraode nò sjaol góng, spèèlde ze mèt ¹⁰de hiêve, of mèt ¹¹dop en ¹²póppernel, dan waas de wèèg neet zuu lank. Hauw ër zich ins verslaope, dan lierde uis män-ke luipe vier toch maar te laat op sjaol of in-e catechismus te kuume

Op-e spiêlplaats waas Riekske altiêd den iêrste, in-e sjaol waas det anners. Vier hêm waas már allein de gewijde geschiedenis die tèlde: Daniël in de Leeuwenkuil, Goliat en de klèine David en Jezus dèè water veranderde in wiên.

¹³Wie klèin det uis män-ke uich waas, wien hauw ër ¹⁴gèèr en beer nóg leever. Es muder vroog: "Waat wils dich later wère?" ¹⁵zagt ër altiêd: "Bruiwer, dan hèb ich beer zuuvèèl es ich wil en aan der liêgste priês!"