MILLE

Spreker

Guy Peeters (°1950) of Peikstat

Opnamedatum
23 jun 2002

iN SCHRIFT

DE TOEM IN MILLE

Heel vruger, ¹waai de raddio èn de tilleviêse nog niê bestoente, ²kalde ³de laai nog ⁴mèt-eìn. In de wìnter waos ‘t toen nog vruger doonkel ⁵as náu. Want ónner ⁶de jùsten orlog hùbbe de Pruûse ⁷het oêr ⁸aeteráut gezat èn da’s noôt trug gezat

Èn zoo zoot alleman ‘s wóvves al vrug rónd de Lyuvëse stwóf. Mèt ⁹de sjuun áwt èn ¹⁰de gwózje op de kroomee waermde ze hun ¹¹vuût. Ómdat ¹²de keìnkè nie genoeg liech goof, zatte ze dan ok de stwófdèksel ¹³wóp. De ¹⁴glutige krikke flikkerde dan rood tieege de plaffón. En as ‘t ¹⁵hél waede rammelde de ¹⁶plaffetúrre tieege de viensters. Dat maokde alles nog aokeliger! De kleen ¹⁷bëgadders laaisterde mèt ôge zó groot as 'n koê èn de mónd ¹⁸waaid wóp at de laai òn 't vertèlle wore. Ze wore zoo staaif van angs da ze nog mer ¹⁹kreech ²⁰dwosjte ²¹wòjjeme. De ²²aa manner drónke jenever áwt ne ²³kloekët èn de ²⁴vrolaai èn kìnner waerme ²⁵kakkoo. Vur de taaid um te kraaige vertèlde ²⁶de aa laai dus versjillende straffe verhaole wáj ich zaát. Eì verhaol ²⁷goenk yuvver hekse èn weìrwolve op de toem ìn Mille...