ZICHE-ZUSSE-BOLlER

Spreker

Maria Vos (°1916) of Maria van de Pit
Willy Willems

Opnamedatum
24 nov 1999

iN SCHRIFT

DE KÓUW GEF GIN MÈLK

Bi ós was ’n kóu en dei liêp àter in de wèi, dò had ger veul ¹whøøf àter. Dò was iech en Annie en Maj en ²dò hao allemòl pötjes geròp alle kãajnte en dò warre vër àter in de wèi ³gange, ⁴bó de kóu liêp
Die pötjes hao ver allemòl ónder den haog gezatte dat ze niemes zoêg, mer vër gónge ieder mèt e pötje òn den dum trèkke van da kóu. Vër warre de kóu òn ‘t mèlke, ieder mèt e pötje en dan wød dat wir umgesjèd en dò speelde ver mèt, eh. En dò was al veul ⁵voert, ⁶dat zuus-te van hèi.
Me grootmoejer was bij ós, dei hurre mân was jónk gestorve en dei was bi-j ós en… - ich mot nog laache as ich ’t zién - vër zien mem, mem ⁷zagte vër dò tjege, dò opkwómme mèt ‘ne ⁸tap vur de kóu te mèlke en vër allemòl ónder de haog gekrope. Vër liete ós nie ziên, eh. En mem gónk ónder de kóu en ze was mer òn ’t trèkke… dò koom niks ne mi oêt.
En dò steìt mem dò: “Piët, Piët, kwóm ins gauw!” En pàa koom, an ‘t lope, deh mende dat dò ⁹get gebuüd was, eh. “Wat its dò, wat its dò?” “De kóu gef gin mèlk.”
¹⁰Dò-mèt kreeg pàa de pötjes… Mah vèè warre voert, eh. ¹¹Dò hao get opgestânge. Da warre ver lope gwó bi-j Nes, dò ós ¹²verstèke. Nes wis nie bó vër zote. Mah dò ¹³dirs te ne mi oêtkwómme, eh