SINT-TRÈÙN

Spreker

Arthur Jacobs (°1927)

Opnamedatum
16 aug 1999

iN SCHRIFT

suske de poep en het vujrvelleke

Wee in Sint-Truín kint naa ni de gebrande winning. Da is deì winning deì òn ‘t begin van de Zepperse Stiêweg ¹liej. Da was ‘n dikke bõèrderìj, deì -hiël lánk leèjn afgebrand is. Den daotum da dá vujrgevalle is, ²stiej nog van báte op ³de fassaad, 1784
⁴E-wa weìder dujr op Zepperen aon liej ‘t Linneke, ⁵weìda se zegge, djust áchter ‘t ⁶nief kerkske. ‘t Is dõo da dje ne blõuwe stiën zult vìnge ⁷mõèdá op geschreèjve stiej : « 1784 op 8 oktober werden alhier leventig verbrand de genaamden Suske de Poup en het Voorvelleke »

Franciscus Martes, dee de minse Suske de Põèp -heèjde, wõènde in d-Hel, in e kráápkot van ‘n -huíske bè vièr keemerkes ⁸mõèvan da ter ter dreì vër-huùrde òn àànder minse. ‘t Was ’t ermste en ‘t dõènkelste kõèt van de stad. Suske de Põèp is dreì kirre getráád geweest
Annastasie Kákkie, ⁹de weèjf van Charel Bõène, ‘ne schõulmiëster áát Gossem, wõod z’n derde vrõuw. ¹⁰Deì duj niks àànders dan zápe en mòkde van -hum ¹¹ ‘ne zaotzák. ¹²Se gõènk áát bèddele en kreèjg se niks, dan ¹³schõèpde se ‘t

Tussen al deì miseèjre en zaotzákkerìj -hebbe se Jean-Baptist Petit liere kènne, ‘ne Franse soldaot en dizzertèùr dee -heí blìjve plákke was en getráád was in -Hõèselt bè Anneke Scheepers. Werke duj deë ni, mah toch ¹⁴-háá ter altè ‘ne lere ¹⁵vùrrink aon en dõodujr nuumde se ‘m ‘t Vujrvelleke. Bè ‘n koppel kammeraode deì van-e Waole wórre, -háá dië kaddeèj ‘n bende brandstichters, ¹⁶be-d-iên gekreèjge, mõèvujr de dikke bõère van rond Sint-Truín ¹⁷’n leëftig ontraose -háán. Dõo was immers niks zõè gemäkkelïjk as ¹⁸ieverans òn ‘n winning ‘ne brandbrief te gòn legge mõèdá in stond da se zõèvul moste afdokke ofda àànders -hun geleèjg afgestõukt zõu wèède

...