SINT-TRùìN

Voorgedragen door Kristof Elen (°1973)

Opname door J.L. te Sint-Truiden op 15 mei 2003

iN SCHRIFT

DE LEGENDE VAN HET VUUJRPJÀÀD

Toen m'n boin lengs m'ne paa z'ne kàànt, dië z'n maa, doo zèin se dikke mam op. En deì 'hèi altèd vertéld da 'hùir mam, dá deì 'ne dág op 'hùir véld beizig was bè de pëtatten áát òn 't doen. En inins ziet ze e pjààd en 'n koets errëveire. Se dink in 'hùir èige: "Wee moug dá zìjn?" Se 'huujrt en 't wore manne vá Brusselt. Se dink in 'hùir èige: Wá mouge dèè te doen 'hèbbe? Sèè klapde naturlijk Fráns en dèè vrouw ocherm dèè verstond doo gin radíjs van

Gõed, síj luut deì manne bèizig zèn en wá blìjkt? Dá deì bèizig wore bè rolle papièr en plánne en dèè wórre òn 't riggelèire en intige daog der áchter begoste de werke. De büüm deì doo stonte woten áátgekapt. De bèike wote táágegoeid en doo kwámme groête kèère bè kèèkes en deì goeide da 'hiêl vol. Áchternoo kwamme doo aander kèère en deì 'háne allemòl groëte èike balke bíj en deì wote skoën op deì klèin kèèkes gelèid. Intige daog der áchter errëveirde doo wier aander kèère bè groëte láng stole stàve deì op dei èike balke geskroèfd wote bè dikke schroeve

Dje 'huurde doo móain en móain niks ne mee van tot 'nen dág in den opgoönden tíjd doen dei vrow wier op 'hùir véld bèizig woor en 't wás just noo-de-noen. De minse wore ne bóu òn 't ete bè platte kees, 'huurt síj inins: djoek djoek, djoek djoek. Se zág vanáchter 'hinger weíd, zág se iet afkoume och 't e lint woor bè doemp áát. En doo kwámme krikke vuùr terzìjen òn áát. Se docht in 'hùir èige: "Wá moug dá zìjn?"

De twie kèùn wa doo wa weìder stonte te graoze - Bella en Lis - deì biëste, deì goenke zot weìde. Dei lupe rond bè 'hunne stat recht on'hoêg. Deì wõune mar gèèn truq noo 'hunne stal. Deì vrow deì 'haa zoe skrik. Se mokde 'hùir drek e kruís en se begos te bidde. Sèè docht dat 't vuùjrpjaad doo woor. Se luup tháás en se wis ne mee wá se mos doen

En wá blíjkt? Da woor den iêste treìn dee heì dourkwám. Deì vrow 'haa zoe ne skrik gepakt, kom... se wis ne mee wá se dùi. En 't woor bè dá vuùrpjaad da se intige moón làter bè de prëcesse vá Skurve nù Skerpenùiver goenke. Dá woor de legende van 't vuùrpjààd

Uit: “Vliegen tussen droom en werkelijkheid: Montenaken, mijn hart, mijn leven – Winand Janssen, p. 70-71”

EXTERNE LINKS