MOELIGGE

Spreker

Gerard (Zjeera) Brennenraedts (°1921)

Opnamedatum
31 maa 2004

IN SCHRIFT

keìrmis i moeligge

In Moeligge, de keìrmisse… da waord vlaai gebakke. Der vlaai dèè waord neet aan ¹der hoêzer gebakke. Van tiêd tot tiêd hauws-te ins ’n boerderij die nog der vlaai zelf ²beek. Me moêder dèè mákde der vlaai zelf en da moeste ver dèè allemòl drwaoge nao der bäkker. Dao waord dèè gebakke. En det waore van die groête ³kerrájjer, det waore neet van die ⁴klèng vlääkes ⁵wie ze noew maoke

In Moeligge dao waor ’n faofàar vreuger jaore. En es ’t keìrmis waor, da ⁶gónge ze oêt. En da waor ⁷de krammiljão gemákt (det waor rijdansen) en det waor hiel sjoên
Da kim fëmiele aof en dèè gónge mèt oêt, dèè gónge ⁸loore dan. En dao waord natuurlïjk e glääske gedronke. Da hauws-te sjuûtkraome in dèè tiêd en mjeulekes en dao waord gesjpèùld dao… “Marie-Loe, Marie-Loe…” det herinner ich mich nog good
Da waor hiel, hiel sjoen, hiel plezeerig, de keìrmisse
Jah… en da hauws-te natuurlïjk aoch al ⁹lùi wat e bieteke te vèùl gedronke hauwe, wie èùveral

Nao der keìrmis waor ¹⁰gùn bál. ’t ‘s Aovends um gùn âch ore begós dèè bál
Meh ¹¹van tevjure waore aoch de gánzekoppe… Dèè woorte in ¹²’n mandel gedoön, gehange. Da waord dan nen iêzere draod gedoön an der bek en da waor-te gebleendookt, da driejde vër e pwaor kiere rônd mèt ‘m en da moes hèèr mèt der sabel, moes dèè probere de kop aof te ¹³houwe. En dèè wat ze ¹⁴aofheef, dèè waor vur heum