ZOÖNËVE

IN KLANK

Verteld door Marcel Jeurissen (°1924 - *2013) of Marcel va Jeurke en Marcel Switten (°1926)

Opname door J.L. te Zonhoven in 2005

IN SCHRIFT

MEÊJ-ÓAVËD

(M.S.) Wille ve wá vertèlle euver wat 'r vrugger zoe-al gebeurden èn Zónëvën, 1gelèk 2deë Marcel, as veurzitter van de hármënie, deë mot toch zjeker wiët'n wat 'r gebeurden den dártigsten aprill op den eürste meej zoe, eh

(M.J.) Meejóavëd 3haan 4de geboeren ne meêjboem geplânt en 5dei woorten dan allemóal getrakteerd dóa, meh de hármënie mos dan ooch altèd komen vur 'n sirrënaden te brènge. En veë zèn dóa altèd goed ontvánge bè de bùrgemiesjter. Ich hùb ter op mèn perioöd'n dat ich veurzitter wààr, hùb ich ter twie ghád en dei woren allebee eëve goe gezind en geëvend

(M.S.) Làter ich meejn mich te herinnere, vandààg 6bëschejns 20, 25 jóar gelejen, toen kregen ooch de schepenen van-e geboeren ne meejboem. De lèsten tìjed ès da mier zoe 7e bitsken òn 't ôötslìjëten, da's jômmer eigelïjk, eh. Mah de goei schepene moste ze eegelïjk nen hoêge boem geëven, eh

(M.J.) Jao, eegelïjk wôl... de goei!

(M.S. en M.J.) Zoe hád der oo van den dártigsten aprill op den eürste meêj, dan 8't jonk volk haöllden dán wa bôöte stônd, hòllden ze 9b-iên en dán zatte ze dá òn-e kèrkdeur 10dààl: da wàre 11veeloos, blómbakken, 12ganse kaar'n tot ààn-e kèrk, 13ôötiê gedóa... 14Nen aân otto deë bôöte stônd sleepde ze oo nó de kèrkdeur tou. Òn 't aad gemeenthôös dóa. En 15teëfelkes... vanalles wá nie vást stônd. 16Dek oo 'n kaar brènge tot ùrges òn e böske en dóa dei kaar trùg èniê zètt'n rond ne boem, eh. Da hùb ich oo gewete. En 's anderendààgs 17kosten dan de eegeneers dat kome trùghàäle

1zoals (ook gezegd: weì)   2jij               3hadden
4de buurt/buren               5die werden   
6misschien
7een beetje, stilaan           8de jeugd     9bij mekaar
10neer                            11fietsen        12volledige karren
13gedemonteerd              14een oude auto
15tafeltjes                       16soms ook    17konden

ANDERE AUDIO-OPNAMES