BÓGGËTJER
iN SCHRIFT
PËRSJONKËLE
Met Allerheiligen en Allerzielen kos-de femielie, 1vrujn, kinnisse en eederein 2boës-te niks mèt hads, doon verhoêze van ’t vageveur noa den hemel. Dus vanoet de glujige hitst noa de zaligheid. Wat meesde daovuur doon? Eine iëwige aafloat verdene. Hoe kosde dèè verdene? Biej elk kèrkbezeuk 6 ónzevajers, 6 weesgegroetjes en 6 glorie-zij-de-Vaders beie. Dèè gelùkkige in het vageveur woor ónmiddellik gelost en moch doer de groëte port van Sinte Pieter den hemel binne. Dèè gelùkkige waas tich dan nëteurlik iëwig dankbaar en dèè zou dan ouch vuur dich zùrge as tich aan ’t branne woors. Det neumde ze vuurspraok
In Bóggetj waore de minse slim. Nao elke Glorie-zij-de-Vader gónge ze nao boëte en zoë hauwe ze ein noew kèrkbezuk en koste ze eine noewe aafloat verdeene. Ich dink det det trukske ùllein lùkt as de locht zwaor bewoukt is. Biej blauw locht zal de groëte baas hiejboëve det waal in-e gate hemme, want november ligt toch neet in-e proementiêd
1vrienden 2waar je geen band mee had
Tekst aangeleverd door Guido Dreesen (°1941)