KUTTEKOVERS

Spreker
Jozef Menten (°1938)

Opnamedatum

11 feb 2002

iN SCHRIFT

os-li-vrowke van kuttekove

Op zeejkeren daog in ¹den opgaank… Het was schown weejr, de zon scheejn ujver het land van Lown. De botte van ²de böÿm begôsten al ope te sprìnge. Op de baón wore twie aâ vrowkes, het Zwat Treske en Bet van Noel òn ‘t waandele. Vanop de ³höÿgte van Lòun ⁴kàànte ze alle kèrktoôns in den umtrèk, ⁵weì weìd da dei loge en weì láng da se môste gòn om doë te graoke, want ⁶se dùine alles te voewt

Se môste toch nie mej werke op ‘t lând of in ⁷de stäl, dus ⁸se haóne tìjd genoeg. Dódóur gónke se iêderen daog nù de këpel om te ⁹beë vur hunzelf en vur de minse dei ginnen tìjd haóne om nù de kèrk of de këpel te gòn

Se kàànte oek ’t verhaól van Ós-Lie-Vrowke, dei dó ônder in Fraankrèk verscheejne wás òn e klèi ¹⁰mètske. In hun kapelleke stônd Bernadet want sou heejde da klèi mètske oek ómhowg te kiêke nò Os Lie Vrow. Stillekes haóne se gehóup óm oek ins in dei plák van da klèi mètske te koenne stun. Máh zó-iets zow toch noit gebeure. As se bìj hun twië het kapelleke nie wa in orde ¹¹zatte ¹²jonde dó nieks oin gedun behalve in de móind meë. Zje môs towgeve, se wórre wel erg kattëliêk. Warschijnlijk hao Ós Lie Vrowke -hun deën ¹³àternoen dóveujr wille bedaanke want ¹⁴wei se in de kapel wórre zow Ós Lie-Vrow bè hur owge geknipperd ¹⁵hùmme èn gelaach en doönoö zowne troöne ujver hur geziêch gelowpe zèn

¹de lente             ²[bùim] bomen        ³[hùigte]
⁴kenden              ⁵hoe ver                 ⁶ze deden
⁷[stel] stallen       ⁸ze hadden             ⁹bidden

¹⁰meisje             ¹¹zetten                  ¹²werd
¹³namiddag        ¹⁴toen ze                 ¹⁵hebben

Uit : “Limburgse Verhalen – Jaak Venken – Danthe 1980”