LANKERS

Spreker
Pierre Peeters (°1936)
Pjèèr van Zjang van Fränske

Opnamedatum

28 dec 2001

iN SCHRIFT

DE WÈNSJELSTEIN

In ¹de bös van Lanker laog oëts ‘ne groëte, dikke stein. Bóvven-op wórre geheimzinnige teikes gekapt, meh ²niemes wis waat ‘t beteikende. De minse vertèlde dat hiël lang geli-je bospreesters dit gedoön hauwe. Dao woer vanalles euver vertèld

Op ‘ne gooien daag wórre gelierde minse van Brussel gekómme. Die wóuwe ins nao dèè stein kómme kieke. Ze dachte dat ‘t eine offerstein waas oet dën auwen tiêd. Ein van die minse -heulde e zwart duüske oet zien ³maal, pakte ‘n ⁴naól dao-oêt en stook diej bóvve in de flank van dèè stein. Eederein waas geweldig ónger dën indruk ⁵wièj ze e paar drùppelkes blood van dèè stein zoegen aafloupe. Die ⁶män van Brussel hauwe dèè stein ⁷gèèr ⁸mètgepakt, meh de bùrgemeister wól dao niks van hure. De stein is dan dao bliêve liqqe

...
..

De broen paters van Rèkem huurde dat vertèlsel ouch en sjreven ‘t op ónger den titel van ‘De Wènsjelstêin’

Wièj dao vèùl joare later eine pater ‘t verhaol in de han krèèg, ging hèè nao de stein zeuke en vónj ‘m ouch
De paters beslote dèè stein op te grave en ‘m nò ’t kloëster te brènge en in den hoof het beeld van Maria derop te zette. Mèt ‘n stevige kar en e paar sterke pèèrd trokke de broeders - vurzeen van sjóppe, biele en nog anger getuûg - nao dè stein. Mèt vèùl meujte woer de stein op de kar gedujd
Ze ote zich ‘n bou, drónke get patersbeer en reje richting kloëster. Eindelik hauwe ze dèè stein woë-rónd zoe e sjoën verhaol dréjde. Ech mer ei verhaol want van magische krachte waas toch neet vèùl te zeen…
...
..

¹de bossen               ²niemand          ³zak
⁴naald                      ⁵toen               ⁶mannen
⁷graag                     ⁸meegenomen

Uit: “Limburgse Verhalen – Jaak Venken – Danthe 1980, p. 15-17”