STOKKEM

iN SCHRIFT

DE HÓNGERKÈNJER

In ’n hiël aud book stèùt gesjreve, dat het oëts ech is gebèùrd in het land van Loën, in het städje Stokkem aan de Maas. Dao ¹hoosde in dèèn tiêd, in ’n hiël ermzielig huìske ’n hiël erm ²weëfke. Hèùre mins waas al ‘n tiêdje geleje gestorve en zónger vèùl te zèqqe dën hook ómgegange. En zoë bleìf dat erm ³vroumës zitte mèt hèùr drièj ⁴sjäöpkes van kènjer

Ze woëre ⁵krank van dën hónger. Ze hauwe nog mer het vel euver de ⁶knäök en neet lank mië te lève. De ⁷lui oët de straot ⁸kósjte het neet mië aanziên en kreëge ter compassie mèt. Ze ⁹dège al waat ze mer kósjte óm ze te helpe

Mer dan ¹⁰kèèm ‘ne miserabele slechte zomer. Het ¹¹reìngerde aanhouwend. Alles woër mèsnaat. De ¹²eìrpel, de ¹³kroëte en de vrùchte laoge te verzoêpe op het veldj. Nao hiël dat naat ¹⁴gesjravel in de ¹⁵pratsj óm nog mer ¹⁶get goods van het land te haole, woër het mer eì kort naojaor. Mèt nog ‘ne lange ¹⁷helle wèntjer zoëg het er nao oët dat er ‘ne hongersnoëd zou oëtbrèke
Nog noëts hau men zoëvèùl ¹⁸ieleng gekènd. Het geleëk waal op ‘n strèùf van Oze Leeven Hier. Wèè nog get te ète hau, kósj hiël bliej ziên. Dao kósj ¹⁹niêmes get van misse
...

¹woonde            ²weduwe              ³vrouw
⁴[sjèùpkes] schaapjes       ⁵ziek      ⁶[knèùk] knoken
⁷mensen            ⁸konden               ⁹deden
⁰kwam              ¹¹regende            ¹²aardappelen
¹³bieten            ¹⁴geploeter           ¹⁵modder
¹⁶iets                ¹⁷harde, strenge   ¹⁸ellende
¹⁹niemand

Uit: “Mysterieuze verhalen uit beide Limburgen – Jaak Venken – 1983”