NIÈLERS

Spreker Emiel Delvaux (°1932) of Mënier Doktoer

Opname door J.L. te Gingelom, dialectavond 2007

IN SCHRIFT

VISIET IN BEVINGE

‘ne Zondag riepe ze mich in Bevinge vur e visiet gon te doen. Normaol kwám ich ni tot Bevinge, meh ’t wás ne klàant van Gingelom di doo bè z’n famiele wás en ‘hè zèi : “Doktoer, wilt dje ne kir áfkoume, ich bèn ni goed"

Ich nó Bevinge, ich onderzuuk dië man, ich schreef di pille vujr, mah tenslotte dácht ich bè m’n èige: da wás naa toch niks vur ’s zondas ‘ne mins nó Bevinge te doen koume. Ich zeg: "Ich bèn e-weg"

“Mïjnhier doktoer,” zèi ter, “moug ich óch iet vroge?” Ich zeg: “¹Weì?” “²Koent dje mich ni miej neime nó Gingelom?” zèi ter. Ich zèi: “Weìzoe?”

“Wel, ich gon óch da èigelijk mer rechtaat zègge,” zèi ter, “as ich ‘nen taxi mós bestèlle dan gènk ’t mich e pák geld koste en ³naa voert djee mich tháás en ich trèk ’t truq van de zikkekas,” zèi ter