HÄSSELS

IN KLANK

Verteld door Bruno Roggen (°1939)

iN SCHRIFT

DRÈÈ KEENINGE ZINGE

Drèè Keeninge, drèè Keeninge

Gift miech nen 1nèùwen hoewd.

M'nen 2aan ès versleete,

Mè moewder meug 't ni weete,

Mè vàder hèt het geld

Op de riêster getèld…

 

En dan wachde vee effekes en dan koeme de minse nó bõöte vir oos iet te geëve, meh sommige õoch ni, dèè kwame ni nó bõöte en dan wáchde vee wir effekes en dan zónke vee van:

 

Hoêg hõös, leeg hõös,

hèè ziet ‘n gierige pin èn hõös!

Oos maa dèì haa da eegelijk ni 3gjaan da vee gónke drèè keeninge zènge. En da mochte vee zeker ni doewn 4moe vee doo woende. Da wõren eegelijk èn diën tìjd, het lèste van de jore 5fjààrtig, begin van de jore vìjftig allemól redelìjke erm minse, sommige veel 6kènger 7weì thõös õoch. En woo da ni gezeed hèbbe want zìj vond da drèè keeninge gaon zinge, da wõor zoe iet weì bedele

Mah iech troek dan toch m’ne plang. Iech haa kammeràte op schoowl op ‘t college ob-e Gufferslaan en dan vond ich ter toch altèd ‘n pààr dei wilde miêjgaon drèè keeninge-zinge. Vee wõre dan altèd 8 drèèn. Iêne zwarte en vee verkliêden oos e bietje en vee haan ‘n kërtonge staaf

Mah 9weì da nèù giêjt, weet ich ni mah èn diën tìjd dus, da wõor eegelijk nog nen erme tìjd, krege vee 10bekans noewt gêld. De minse dei ós iet goêve, dei goêven ós ofwel 11wa freet, bv. äppelkes deì ze vir de winter bewààrde, 7gelèk kõlemännekes of staaräppelkes en soms krege vee õoch e-wa 12snók

Mah de frängskes, deì vee 13be-t- hààlde, dao gónk ‘t eegelijk ni im. Õoch ni eever wa vee krege, ‘t gónk terim da vee da gjaan deje en vee haan eegelijk ni, gie speelgoed of toch mar hiêl weìnig en vee deje da veel plezier vir õoch ins iejts te doewn, 14wa alleman ni dee want rechõöt gezeed, èn-e stad wór ter õoch joenges dee iech 15kant, mah deì van 16beëter ààs wõre en dei mochte ginne drèè keeninge gaon zènge

Weì da tiggewõordig giejt weet ich ni. De kènger hèbbe da ne mi 17vandoewn want deì hèbbe alles wa ze willen, eh. Jaomer genoeg ès veel plezier van vrieger toch verlõre gegaon. Zjis weì oos dialecte moe iech zoe spìjt van hèb en dee iech zoe gjaan 18kal

1nieuwe       2oude        3graag       4waar
5veertig       6kinderen   7
zoals        8met drie
9hoe dat nu gaat          10bijna       11een beetje fruit
12snoep      13verzamelden             14wat niet iedereen deed
15kende      16betere ouders/afkomst
17nodig       18spreek              

Auteur Bruno Roggen

EXTERNE LINKS

STUDIO SILO - Reportage over het Hasselts Dialect gemaakt door cursisten van StudioSilo als eindwerk voor het jaar 2011-2012

Veríéneging virre bescherreming, behaag èn premeuse van ’t Hessels