HÙRPMòLS

Spreker
Marcel Schouteden (°1934)
Mërcel van Stôô (vroeger)
van Tëtien (nu)

Opnamedatum
16 jun 2004

IN SCHRIFT

Het Duuvelsbrifke

Wá ich oech nao gòn vertelle, da’s potverdekke láng, mah hèil láng gelèie, zur. Da’s zoe láng gelèie, ¹doen bestônd dao nog ginnen ellantriek. Toen môste de minse ’s mùrges vruug bè ‘n ²lëtjààn in ³de stäl rondlòupe vur de biste te voeiere, anes zoge se nie vur het ⁴jette ôöt de ⁵fornaeskittel te haole. En ‘s oves, vur nie in den dòunker te zitte, haone se ‘n kaas of ⁶ ‘ne kenkè op de schouw stun…

Awel, toen woende heï in Hùrpmòl twie ⁷skeëpers. Den inne hao echte ⁸skòun, mollige, vette biste. ⁹Ze wore goed van möul en pòut as ze zegge. Den aandere skeëper z’n skóape wore maogere duûvels, vel euver de bèin,, 't wes of ze haover ôöt ¹⁰‘n snel ¹¹joöte.
Toen ze op zekeren daog mekaander tege kome, vruug diën twidde skeëper òn ¹²de joste: “¹³Weì koom da toch da ¹⁴oer skóape zoevul skónder zèn as deì vá miech? Op ¹⁵de groeze in ¹⁶de hoöl stróate in de Braandsberg of op de Ruizeleer stut ‘t graos toch nie skónder dan op de groeze in de Hotstróat of op ’t Rìjkelsgaöt?”
“Da’s nie moeilïjk te verstèùn,” zèi de joste tege den twidde. ¹⁷Ich huj m’n skóape nie op de groeze in de hoöl stróate, meh ich lóat ze graöze op de klaover of op ‘t malse gruûn van de gròute boere. Deì koenne mich toch ni pákke!”

...

¹toen     ²lantaarn, stallamp                       ³de stallen
⁴eten              ⁵ketel om beestenvoeder in te bereiden      
⁶een petroleumlamp                                  ⁷herders
⁸mooie                             ⁹goed in het vlees, gezond
¹⁰klein potje                     ¹¹aten
¹²de eerste                       ¹³hoe            ¹⁴uw schapen
¹⁵de grasvelden                ¹⁶holle straten
¹⁷ik hoed, laat grazen

Uit: “Onuitgegeven verhandeling F. Beckers, K.U. Leuven, 1947, p.41-42”, verteld door Antonie Biets (°1897) uit Heers