MIËVE

IN KLANK

Verteld door Jean Bosmans (°1947)

Opname door J.L. te Meeuwen op 24 okt 2019

iN SCHRIFT

SINT-MARTESVEER EN DE MELIA

Den ùlfde november has-te Sint-Martesveer in Miëve en dan ginge 1de wichter… tot viërteen jaor waars-te nog altied kind, eh… die van de liëgere sjaol die ginge dan 2de hújzer aaf, eh. Eeder wat in 3ziene naober vier wat te vraoge vier Sint-Martesveer want dan wuiwe ze eigelijk 4‘ne mitterd krièjge meh uich iëverâl 5buu nog huiwt laag in 6de grächt dat toch nit waas opgebónne, dat wuurt dao uûtgeslêipt en op ’n honskar of ’n anner stuütkar, dao waar hi-j en dao nog wal iemëd dèè dat hau… en dan wuurt dat 7op ‘nen huiwp gezatte èrges op e stèk… 

Uis Sint-Martesveer stond op e stik gemeinsgrônd dat braak laâg. De meiste hauwe 8nit gèèr dat dat in ’n wèi laag… dao wuurten uiwch 9velobään opgestuükt en uich al wat mèt pëtrol en zuü wat gewerkt, in dèèn tiêd, eh. 10Tëviere zulle ze nog nit te veel velobään opgestuükt hemmen. En dan, dèèn huiwp… mós dan ierst ‘ne mast zetten, eh. ’n Láng den, die mós nog gehaald wieren in-e bos en dan wuurt dao de melia opgezatte. Op dèè mast buüve wuurt ‘ne sjuif struuj gebónne. Biej uis hèdde da de melia

“Melia” dat is zuü gekuüme… die wichter van ’t dèrp, diej dao rônd gónge vier Sint-Martesveer, vier iet te kriejge… in ’n huûws tiggeniëver de kèrk, dao wuünde Emelia Janssen. Diej gaaf gene mitterd meh diej gaaf ‘ne sjuif struuj. Dat waas eigelijk op 11de leier van belangrikheid toch nog buüve ‘ne mitterd. ‘ne Sjuif struuj dan kos-te natuurlijk Sint-Martesveer uich nog aansteìke, meh op ‘ne kier hèbbe ze melia, want dan 12zagte ze melia tiëge dèè sjuif, hèbbe ze “melia” buüven op dèè staak gezatte en dân vlechde ze zuü ’n lus van velobään, diej trokke ze zuü aanêin en zuü ónner nao ’t huiwt hiënen, eh. En op ne bepaalde moment begonne diej velobään dan te brannen, eh… en zuü diej vlamme krúwpe omhuüg langs dèè 13kuutsjuu op dèè in brand ging en dân as ‘t buüve kwaam en dèè sjuif struûj ging aan: “De melia is aan! De melia is aan!”, dan sjriëfden ze-n allemaol, eh. Deh ’s uich allein in Miëve det ze dat zuü zagte: "de melia"

1kinderen        2langs de huizen      3zijn buurt
4takkenbos      5waar                     6grachten
7opgestapeld   8niet graag              9fietsbanden [baen]
10voordien      11ladder                  12zei men
13rubber