KLEINE-BROGEL
IN KLANK
Ingesproken door René Vanhout (°1948) of René van Kris Vanhout
Opname door J.L. te Kleine-Brogel op 17 jun 2007
IN SCHRIFT
DE KËBOUTERKES
Këbouterkes, da ware kleìn männekes. Hoe ze ‘r zjuust oêt zage, da wit ich nie. Ich hem gehuurd deh ze ‘n muts op hunne kop hòuwe en da ze van die lang 1vüt hemme. Ze lèèfde vêr weg van de minse in 2bös of in moerasgebied in groëte eike 3büüm of zelfs in 4gäng onder de grônd. Ooch zouwe ze nie te verstoön ziên as ze an ‘t praote ware
Die männekes, de këbouterkes, da ware de 5koidste nog nie. Sommige minse zegge da ze ginge pikke bè de minse. Toch kwame ze dikwùls bè de minse ‘t wêrk ooch doên, zoe-as de was doên, ‘t grèèn dorse en de boöter make of ‘t mest op ‘t vêld doên
De minse moeste in-e plak wel wa klaor legge. Ze ware nogal rap contênt meh ‘n kom riêst, 6wa pëtatte, ne 7boegese koek of zelfs ne spekkoek, of ‘n piêp en e päkske toebbak.
Toch waren ‘t ooch 8vies männekes, die këbouters…
1voeten [vuut] 2bossen [bùs] 3bomen [buûm]
4gangen [geng] 5slechtsten 6enkele aardappelen
7boekweitkoek 8boosaardige mannekes
Uit: “Onuitgegeven Licentiaatsverhandeling Volkskunde aan de K.U. Leuven - Ivo Kenens, 1957”