PELT

IN KLANK

Verteld door Alfons Kleutghen (°1927)

Opname door J.L. te Overpelt in 2000

iN SCHRIFT

SINTE-MARTEN

Meh Sinte-Marten woord ‘r vuur gestókt en déh woord van wèke 1teveure woord da 2bè-iên gehald. Da hôut da woord bi-iêngehald, mer den dàag zelf

Overpelt wáis ‘n parochie van Sint-Martinus, dus meh Sinte-Marte wáis ‘t gin schoöl en dan ginge wè de gansen dàag meh kleine fruttergroepe langs de deûren. De mínse die gavve wa gêld, de mínse die gavve oech al ne kier ne 3mutterd of iets.

En dan tegen aoved zùrgde ze ‘n fakkel. Da wáis ’ne boënstàak en dò woord ne schoëf stroëi roond gebonn’n. En zjuust op de manier da ze nou 't kooren opbinnen, dus meh innige spiere stroëi woord zoe ne bând gemákt en op die manier woord oech déh stroëi roond die fakkel vâstgemákt

Wa lieke woord ‘r gezong’n? Sinte-Marte, stook ‘t vuur, ich zoo mich 4gère warmen op m’n bloëte armen, gift wa, had wa, komed jaor nog wa

 

En as de Sinte-Marten goed en wel brandden, woord déh... oech die fakkels aöngestoke en dan spronge wè zoe wa roond meh die fakkels. Meh naturlijk, de kunst wáis van as die fakkel goe gebrand hauw, van dan dië boënstàak, dië zoe wa verkoöld wáis, van dò 5oe hàan òn àaf te veìg’n en dan meh die hàan 6de vraolie hun gezicht zwart te màken. Da wáis... dao ging ‘t over, eh

Een hiël dillicaöte zààk, déh wáis da ge moes in oêg hauwe da ander ouwe Sinte-Marte nie kwammen aónstèke want da gebeurden oech! Ge had dus wel ouwe Sinte-Marte 7vèrig, mah dò wàren 'r en ich heb da in laötere jaore nog wiëte gebeure da andere kèrels oèt de burt déh die onverwachs déh die kwamme in brand stèke en dan stonde dao te kiêken, eh! Déh is oech gebeurd

Wa ich mich oech nog herinner, we hauwe ne serieuze groëte Sinte-Mart'n en het hauw den hiêlen dàag gerègëd dat- goöt en dië wàas zoe kletsnaöt, dië wou nie brannen en dao zien nog boere oet de burt, die hauwe dao nog wa naft opgeschud, meh 8déh wáis ammòl gin avvans. Déh moest-de dus oech riskere meh Sinte-Marten dat ’t slêcht weer wáis en da de zàak nie brandden, da gebeurden oech. ’t Schient déh vrugger – nog veur aözen tiêd – déh de groëte minse met pèèrd en kaer nog mej hielpen vur dië Sinte-Marten bè-iên te brèngen

1voordien        2bij mekaar              3takkenbos
4graag            5uw handen              6de vrouwen
7
klaar              8dat was zinloos

EXTERNE LINKS

YOU-TUBE-kanaal van Fons Tuyaerts

 

Regelmatig post Fons een grap, verteld en geschreven in het dialect van Overpelt