ELDERE

Spreker

Pierre (Pieter) Daerden (°1931)

Opnamedatum
9 aug 2000

IN SCHRIFT

DASSEGEVAECHTE

¹Zjuus wàai in Tóngere, Àad-Hoeselt en oin de Maoskant ²jonde dassegevaechte ³gehàte. In de jèùre '45 (vàaifènvjottig) tot '46 jonde dat verbójje omdat ⁴de sjanderme dò àter goenge

At ‘t freut oin ‘t valle wois, kome de dasse de weën ien. Dan jonde se opgespoord dur jong hundjes, wàai fokskes. A-ze hurde dat ⁵de hon eîne te pakken hao, loete ze de grote hon los. Dan goenge de minse dò heen en pakde de das mèt ‘n tang. Ze zatten ‘m in ne zàk. De das jonde dan in ‘n ton gezatte tot ‘s zondas nò de hoomìs. Dan jonde ⁶gemeenlïjk de gevaechte iengeriech, ùrres in-e wei ⁷neve de caffie

De das jonde oin ‘n ⁸kittel ⁹vâsgelaag mèt ein poot. Eîn vur eîn jonde de hon op ‘m losgelutte. Veul hon dàai ¹⁰doste nog nie eins op den das aofgoin. Dàai wò wôl goenge, goenke ¹¹dek janketaere mèt de stat tusse de ¹²bèin de kloêten op. De bèste hond wa dò wois, dat was dèè van Pee van Louis: Kora, ne zèkkere koêhond

Nò ‘n paor wèke wois de das meîstal kapot. Dèè jonde dan geslach, ze trokken ‘t vèt âut ‘m en smèlde dat. Iêdereîn hao woil e pötje van dat dassevèt stújn, wat heêl goêd wois tege wóppe wonde

De minse wa kome kiêke, moeste dan ongeveer twiejntig frang betaole

Het geld dat inkoom, jonde oin de vangers gegève vur ‘n goei pient te pakke...

¹net zoals                   ²werden        ³gehouden
⁴de rijkswachters         ⁵honden        ⁶meestal
⁷naast                         ⁸ketting        ⁹vastgelegd
¹⁰durfden                   ¹¹(dikwijls) al jankend
¹²benen

Uit: “Volkskunde in Limburg – Jules Frère (bewerkt door Jaak Venken) – Stichting Mens en Kultuur (SM&K), Gent, p. 162”