BERRINGS
IN KLANK
Opname door J.L. te Beringen
IN SCHRIFT
zwert
As ge va Berringe op Kamp ààn rijdt, ligt den ingang van de 1sjarbonaasj an de rechse kânt en dao just tegeneuver an den andere kânt van de stiewèg dao war hotel Modern 2moedat de manne ’n pint ginge drînke as ze van hunne post bove kwamen hè
Hotel modern da wár bè moeke Deferm. As de post gedun wár, da wár dat alted vollebak... Den hiëlen toêg dië stond vol pint’n. Die manne die kwame ’n pint drinke. Die wár’n dao ne frang beter koêp as in ’n ander café en die mannen die dronke twië, dreì of vier pint’n en dan vollebak de bus in of nah huis
Mer op ne zekere kier. Da war zoë: dreì mann’n die wárre blìjve zit’n: 3nen aâ koolputter
iëne van in-e middeklas en ooch nog ne jonge koolputter. En die mannen wa pint’n gedronke, die wárre 4tegeniën op an ’t 5klappe euver de put en euver-e kool en euver-e stiëne en euver 6nen hawwáj en euver nen trèèn die 7vagiêt gegon wár en zoë van dat dink allemaol
En dan zegt den iëne: "Mar stof, stof..." "Awel," zet dië jonge koolputter: "ich werk naa vìjf jaor in de put en kunt de-gè geluüve as ich ’s ânderendaags as ich ùt de put gekome zen en ich 8tuf dat da nog just e zwert bölleken ìs. "Och," zee diën ânderen: "Ich hem tien jaor put jong, as ich gò piss’n, da’s just chinesen ink, zoe zwert ziet deën!" Afin jah, da bleft zoë. Ze drînke nog ’n pînt of twië, dreì en dan zegt diën aa koolputter: "Wòcht nog ins effekes, ich hem twintig jaor put en as ich thuís in huís iëne lot vliêge dan is ’t dreì dage donker!"
1steenkoolmijn 2waar 3een oude
4tegen mekaar 5praten 6??
7ontspoord 8rochel, spuw