BÓGGËTJER
IN KLANK
Spreker
Guido Dreesen (°1941)
Opname door J.L. te Bocholt in 2007
iN SCHRIFT
KÈRKGANK DOON
Nao de geboerte van e jónk mochte de vrùllie neet in ’t oëpenbaar koëme of nao de mìs goën, want ze waore dan ónzuuver. Ze meeste iërst eine kèrkgank doon, good op-e bein of neet
Doër neet nao de mìs te goën, diêge ze al ónmiddellik ein doëdzónde. Dus beechte meeste ze-n ouch nog. De vorse mooder ging mèt ein naobervrouw nao de kèrk en naô de mìs woor ze dan uüverlèze doër de pëstoër. Die sirremoënie eindigde mèt ein gooi klats wiêwater van-e kwispel. Det waas zoë good as eine gooien douch, want ze waas volges de pëstoër ónmiddellik rein. As mìsdeener stóng ich langs de pëstoër en kèèk ’r nao, sóms mèt nate vøøt want det wiewatersvaat mees-dù vuurzichtig drage. Det waas dèk te vôl want de kùster mees det water ein 200 mèter wiejer hale aan-e pómp...
..
1vrouwen 2deden 3buurvrouw
4voeten [veut] 5dikwijls 6verder
Uit: "’t Velleke, nr. 3 van 2006 - vereniging Veldeke Bels(j) Limburg"